25 август дар Қасри миллат Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 34-солагии Истиқлоли давлатии Ҷумҳурии Тоҷикистон ба кормандони касбу кори гуногун, ки дар фаъолияташон натиҷаҳои шоистаи таҳсин доранд, мукофотҳои олии давлатӣ ва ҷоизаву унвонҳои фахрӣ супориданд. Хушбахтона Олимиён Сабрина Шумсулло – мудири кафедраи рӯзноманигории Донишгоҳи давлатии Данғара ба Ҷоизаи ба номи Исмоили Сомонӣ дар соли 2025 сарфароз гардид.

     Раёсати Донишгоҳи давлатии Данғара муаллимаи гиромиро, ҷиҳати сарфароз гардиданашон ба ҷоизаи сатҳи баланд аз номи коллективи меҳнатии донишгоҳ муборак бод гуфта, дар фаъолияти меҳнатии минбаъдаашон барору комёбиҳои нав ба навро таманно менамояд.