ПЕШГИРИИ ХАТАРҲОИ ҶАҲОНӢ ДАР РАВАНДИ ПОЙДОРИИ СУЛҲУ СУБОТИ ТОҶИКИСТОН

ПЕШГИРИИ ХАТАРҲОИ ҶАҲОНӢ ДАР РАВАНДИ ПОЙДОРИИ СУЛҲУ СУБОТИ ТОҶИКИСТОН

Имрӯз 7-уми июни соли 2022 тибқи нақша -чорабиниҳои илмии Донишгоҳи давлатии Данғара дар мувофиқа бо Вазорати маориф ва илми Ҷумҳурии Тоҷикистон, ки аз дастуру ҳидоятҳои Пешвои миллат муҳтарам Эмомалӣ Раҳмон, сарчашма гирифтаанд, дар факултети идораи давлатӣ ва ҳифзи ҳуқуқ конференсяи илмӣ-амалии ҷумҳуриявӣ дар мавзуи "Пешгирии хатарҳои ҷаҳонӣ дар раванди пойдории сулҳу суботи Тоҷикистон" баргузор гардид.

Дар суханронии муқаддимотӣ ректори Донишгоҳи давлатии Данғара н.и.т., н.и.п. Н.Н.Шоҳиён, вазири меҳнат, муҳоҷират ва шуғли аҳолии Ҷумҳурии Тоҷикистон, н.и.ф. Ширин Амонзода Шодӣ, д.и.ҳ., профессор, узви Маҷлиси Миллии-Маҷлиси Олии Ҷумҳурии Тоҷикистон, раиси кумитаи Маҷлиси Миллӣ оид ба таъмини асосҳои конститутсионӣ, декани факултети ҳуқуқшиносии Донишгоҳи миллии Тоҷикистон, д.и.ҳ., профессор Раҳмон Дилшод Сафарбек, прокурори ноҳияи Дангара, мушовири адлияи дараҷаи 2-юм Н. Қодирзода, муовини раиси ноҳияи Данғара оид ба идеология Ф.Абдуллозода мудири кафедраи ҳуқуқи судӣ ва назорати прокурории факултети ҳуқуқшиносии Донишгоҳи миллии Тоҷикистон н.и.ҳ., дотсент И.Т. Маҳмудов, мудири китобхонаи шаҳрӣ ба номи Абулқосим Лоҳутӣ, А.Талбаков, н.и.ҳ., дотсенти кафедраи идораи давлат ва ҳуқуқи Академияи идоракунии назди Президенти Ҷумҳурии Тоҷикистон М.М.Холинова муовини аввали ректори Донишгоҳи давлатии Данғара н.и.и., дотсент Қудратзода Парвиз Қудрат, сардори раёсати таълим ва идораи сифати таҳсилот н.и.ф., дотсент Д.С.Қодиров, декани факултети идораи давлатӣ ва ҳифзи ҳуқуқи Донишгоҳи давлатии Данғара номзади илмҳои ҳуқуқ, доктори илмҳои сиёсӣ ШҚ.Ҳасанов ва дигар олимону муҳаққиқонм муассисаҳои таҳсилоти олии касбии кишвар ширкат варзиданд. Дар ҷаласаи ифтитоҳӣ Ширин Амонзода Шодӣ дар мавзӯи "Ҷаҳонишавӣ ва мушкилоти муҳоҷирати меҳнатӣ дар асри ХХ1", Раҳмон Дилшод Сафарбек дар мавзуи "Нақши қонун дар таҳкими сулҳу субот ва давлатдории миллии тоҷикон", И.Т.Маҳмудов дар мавзум "Нақши беназири Пешвои миллат дар таъмини сулҳ ва ваҳдати миллӣ", А.Талбаков дар мавзуи "Рушди андешаи миллӣ ҳамчун омили пешгирӣ аз экстремизм ва терроризм" ва дигарон бо маърузаҳои ҷолиби илмӣ баромад намуданд.

Таваҷҷуҳи ҳозиринро ба вижа, суханони пурмуҳтавои вазири меҳнат, муҳоҷират ва шуғли аҳолии Ҷумҳурии Тоҷикистон номзади илмҳои филологӣ Ширин Амонзода Шодӣ ҷалб намуд. Дар суханрони мушкилоти асосии муҳоҷират дар шароити ҷаҳонишавӣ мудаллал барраси гардид.

Инчунин муҳтавои баромади олимони соҳа Раҳмон Дилшод Сафарбек, И.Т.Маҳмудов, М.М.Холинова, А.Талбаков ва дигарон аз нигоҳӣ муайян намудани хатарҳои ҷаҳони муосир ва роҳҳои пешгирии онҳо хотирмон буданд.

Раванди конференсияро декани факултети идораи давлатӣ ва ҳифзи ҳуқуқ ШҚ.Ҳасанов пеш бурд.

Ҳамин тариқ, ҷаласаи муқаддамотиро ректори донишгоҳ н.и.т., д.и.п. Шоҳиён Н.Н. ҷамъбаст намуда, ба оғози конференсия дар бахшҳои ҳуқуқшиносӣ, сиёсатшиносӣ, фалсафа ва таърих тибқи барнома дастурҳо дод.

Аксҳо аз ҷараёни конференсия!